A-laget: Målrikt på Høddvoll

(Hødd 2 - Vestnes Varfjell 6-3) Vestnes Varfjell tapte 3-6 mot reservene til 1.-divisjonslaget Hødd palmelaurdag. Elling Olafsen, Jørgen Gravdehaug og Ronny Leikarnes skåra for Vestnes Varfjell. Stillinga ved pause var 4-1, slik at Varfjell kan finne trøyst i at andreomgangen endte uavgjort 2-2. - Vi sleit i starten mot velspelande Hødd-juniorar, men heva oss kraftig etter kvilen, seier spelande trenar Alexander Connor på veg heim frå Ulsteinvik.

Kampen vart spelt under fine forhold på kunstgrasbana på Høddvoll. Hødd 2 spelar i 3. divisjon på Sunnmøre, men stilte denne gongen med tilnærma reint juniorlag.

- Me sleit med å etablere vårt eige spel før pause. Me møtte eit hardtarbeidande og finspelande lag som me lenge hadde vanskar med å komme oppi. Etter nokre justeringar vart det betre, og me hadde også ein del sjansar til å pynte ytterlegare på resultatet, seier Connor.

Neste kamp er den utsette møtet med divisjonskollega Åndalsnes i Vestnes idrettspark 27. mars.

Kampfakta:
Hødd 2 - Vestnes Varfjell 6-3 (4-1)
Høddvoll kunstgras, 20 tilskodarar
Ingen kort til VVI
Mål:
1-0
2-0
3-0
3-1 Elling Olfasen
4-1
4-2 Jørgen Gravdehaug
5-2
6-2
6-3 Ronny Leikarnes

Laget (4-5-1): Marius Sivertsen, Simen Brennvik, Ørjan Tangen, Alexander Connor, Per-Kristian Os Nakken (Thomas André Brastad 80.) - Tore Akselsen, Vegard Ellingseter, Yngve Solevågseide, Elling Olafsen (Jørgen Gravdehaug 46.), Ronny Leikarnes - Frank Nakken.