Varfjell-TV: Sjå skåringane | Connor om kampen | Måndalen-trenaren om kampen
| {seyretpic id=883 align=center} |
| {seyretpic id=884 align=center} |
| {seyretpic id=885 align=center} |
| {seyretpic id=882 align=center} |
| {seyretpic id=881 align=center} |
| {seyretpic id=884 align=center} |
Dermed vart det tre poeng i ein ikkje altfor velspelt kamp. Måndalen, med fem tidlegare Vestnes Varfjell-spelarar på laget, kjempa best.
Vestnes Varfjell starta best, men sleit med presisjonen på det ujamne underlaget. Ei avslutning i stolpen etter ein corner var det næraste laget kom skåring i første omgang. Midtvegs i omgangen vart heimelagets Stein Åge Strand blitt utvist etter to gule kort på rappen. Heimelaget følte naturleg nok at det var strengt idømt, og dommaren vart ikkje meir populær då han let vere å dømme straffe då Freddy Nikolaisen var på veg mot mål like etterpå.
Vestnes Varfjell greidde ikkje å utnytte overtaket i talet på spelarar før eit stykke ut i andre omgang. Vegard Ellingseter skaut utanfor etter ein corner før Ronny Leikarnes åpna skåringskontoen for året i sin aller første kamp tilbake etter skade. Den gamle storskåraren vendte av to Måndalen-spelar inne i feltet og sette ballen kontant i mål.
Men Måndalen gav aldri opp, og kjempa til krampa tok enkelte. Måndalingane var tøffare i duellane, og var minst like farlege dei gongane dei kom i angrep. Ikkje minst på dødball skapte vertane trøbbel i Varfjell-forsvaret. 70 minutt var spelt då bestemann Freddy Nikolaisen fekk sjansen på frispark på hjørnet av 16-meteren. Skotet sat knallhardt i motsett kryss og laga var like langt.
Vestnes Varfjell ville ha med seg alle poenga frå denne kampen. Tommy Kanishi Andreassen kom nære på eit skot Måndalen-keeper Espen Pedersen fekk slått over. Sluttspurten gav uttelling seks minutt før slutt. Nirut Mjøs starta kontringa, Leikarnes og Karl Arne Stokkeland fekk krangla ballen tilbake til Mjøs som sette ballen i mål frå kloss hald.
Kampfakta
Måndalen - Vestnes Varfjell 1-2
Pause: 0-0
3. divisjon Nordmøre/Romsdal
Torsdag 30. april 2009 kl 19.00
Måndalen stadion
Tilskuarar: 170
Mål:
0-1 (62) Ronny Leikarnes Sjå video
1-1 (70) Freddy Alte Nikolaisen Sjå video
1-2 (84) Nirut Mjøs Sjå video
Dommar: Ole Petter Kristiansen, Eide
Assistentdommarar: Rolf Erik Pedersen, ÅIF og Harald Gule, MFK
Raudt kort: Stein Åge Strand, Måndalen (25. min, to gule)
Gult kort: Stein Åge Strand, Freddy Alte Nikolaisen, MIL. Elling Olafsen, Jørgen Gravdehaug, Alexander Connor, VVIL
Vestnes Varfjell (4-3-3/4-4-2): Arild Mundal; Simen Brennvik, Ørjan Tangen, Yngve Solevågseide, Thomas André Brastad - Karl Arne Stokkeland, Jørgen Gravdehaug, Vegard Ellingseter - Elling Olafsen (Ronny Leikarnes 46.), Nirut Mjøs (Martin Lange Sylte 90.), Tommy Kanishi Andreassen (Alexander Connor 77.).
For Måndalen starta de tidlegare Vestnes Varfjell-spelarane Sindre Balstad, Vegar Skare, Marius Ulla og Audun Leikarnes kampen, medan Tor Gunnar Venås kom innpå dei siste fem minutta.
