Skåra først, men tapte til slutt

(Træff 2 - Vestnes Varfjell 4-1) Elling Olafsen heada Vestnes Varfjell i leiinga til pause, men Træff-reservene  kom sterkt tilbake.

Kampen på Reknesbanen fredag vart ein kamp der Vestnes Varfjell lenge forsvarte seg godt mot eit av topplaga i divisjonen.

Træff hadde ballen mykje i første omgang, men det var bortelaget som skåra omgangens einaste mål. Elling Olafsen heada kontant inn 0-1 etter forarbeid av Amund Stavem etter 19 minutt. Stillinga sto seg til pause,

Træff, med tidlegare Vestnes Varfjell-spelar Daniel Gravdehaug på laget, utlikna på ei heading etter corner like etter pause. 2-1 kom etter at keeper Owen Connor, tilbake etter skade, måtte gje retur på eit langskot.

20 minutt før slutt sto det 3-1 etter at ein Træff-spelar kom fri i feltet og kunne sette ballen kontant i mål,

Etter dette handla det meste om Vestnes Varfjell som tok over banespelet og hadde fortent minst ei redusering.

Tommy Kanishi sendte eit frispark gjennom feltet etter 80 minutt, men Træff rydda unna til corner. Så kom eit innlegg frå Lars-Helge Lien for brått på Tor Bjarne Løvik Salte på bakre stolpe. Elling Olafsen kunne blitt tomålsscorar då han heada like utanfor.

Nærast kom likevel Oscar Rekdal Misfjord som kom seg fri og avslutta med eit skot som strauk tverrliggaren fire minutt før full tid.

I staden for redusering vart sluttresultatet sett til 4-1 på straffespark i siste speleminutt.

Træffs første mål vart skåra av Mats Alexander Røtvold-Leenaars som er ein nykommar frå Nederland med fortid i akademiet til PSG. Deit tre siste vart sett inn av Sivert Røberg med 13 kampar og to mål for a-laget i 3. divisjon i år.

50 tilskuarar, rundt 15 som heldt med bortelaget.

Neste kamp er heime mot Eide.

KAMPFAKTA:

Træff 2 - Vestnes Varfjell 4-1 (0-1)

4. divisjon Nordmøre og Romsdal, fredag 22. august 2024 kl 19

Reknesbanen, Molde, 50 tilskuarar

Mål:

Vestnes Varfjell