(Stordal/Ørskog - Vestnes Varfjell 4-1) Vestnes Varfjell leverte ein svak kamp og tapte for i Stordal/Ørskog for andre gong i vinter då laga møttest i Stordal andre påskedag. Alle måla kom i første omgang.
Vertane tok ei tidleg leiing, men Daniel Gravdehaug utlikna like etterpå etter framspel frå målvakt Owen Connor. Så skåra vertane tre til på rappen før pause. Fleire skåringar vart det ikkje i kampen. Vestnes Varfjell hadde ei avslutning i stolpen rett før kvilen.
- Ein svak kamp av oss. Me slit også med ein del småskadar i troppen, oppsummerer oppmann Frode Lien.
Stordal/Ørskog er nyopprykka til 4. divisjon på Sunnmøre. Dei vann også 3-0 då laga møttes på Vestnes tidlegare i vinter.
KAMPFAKTA
Stordal/Ørskog - Vestnes Varfjell 4-1 (4-1)
Treningkamp, måndag 1. april 2024 kl 17
Kirkebø stadion, 50 tilskuarar
Mål:
1-0 (13) Fredrik Busengdal
1-1 (22) Daniel Gravdehaug
2-1 (27) Magnus Brautehaug
3-1 (33) Fredrik Busengdal
4-1 (40) Vebjørn Nakken
Vestnes Varfjell (4-3-3): Owen Connor (Egil Dalhaug 33. min) Lars Helge Lien, Svein Erik Lange Male, Vegard Ellingseter, Håkon Kjørvik (Jo K Foss 46.) Simon Kjørvik (Arjan Sylte 73) Tommy Kanishi Andreassen (Noah Johansen 46.), Vegar Skare (Sverre Lindset 65), Leo Krogseth, Daniel Gravdehaug, Elling Olafsen
Jo K Foss er prøvespelar frå Hjelset-Kleive
