Videoar finn du under. Bildegalleri finn du her eller her (lysbildevisning)
Vestnes Varfjell hadde tapt 2-4 tre gongar før i år (1 seriekamp og 2 treningskampar) og gjekk ut fast bestemt på å ta revansje i den viktige opprykkskampen.
| {seyretpic id=670 align=center}{seyretpic id=671 align=center}{seyretpic id=672 align=center}{seyretpic id=673 align=center}{seyretpic id=674 align=center}{seyretpic id=675 align=center}{seyretpic id=676 align=center} |
Ronny Leikarnes var nære på å sette ballen i mål tidleg i kampen, men i staden var det gjestane som gjekk i leiinga eit kvarter. Thomas W. Pedersen var sist på ballen mot eit nølande heimeforsvar.
Ronny Leikarnes skapt balanse då han styrte eit frispak frå Tore Akselsen vidare i mål tre minutt seinare. Så hadde Ørjan Tangen ein stor sjanse til å utlikne, men han nådde ikkje fram då ballen landa føre ope mål. 34 minutt var spelt då Leikarnes var frampå igjen etter eit langt innkast frå Thomas André Brastad. Frå ti meter var spissen nådelaus og skaut ballen forbi Løkkebø i ÅIF-målet. No hadde Vestnes Varfjell eit klart grep på kampen, men på ein corner glapp markeringa. Det unytta Per-Johnny Døving som utlikna til 2-2 rett føre pause.
Også i andre omgang starta vertane best. Berre fem minutt var spelt då Frank Nakken avslutta eit fint soloraid med å skyte inn 3-2. Etter kvart kom ÅIF betre med og ei stund vart Vestnes Varfjell pressa langt tilbake på bana. Gjestane greide likevel ikkje å produsere veldig mange klare sjansar. Nærast var vel eit skot som vart redda på strek av Per Kristian Os Nakken som hadde tatt oppstilling ved stolpen. Reservekeeper Svale Leren hadde også ei fin redning der han fekk fista ballen over.
I andre enden skapte Vestnes Varfjell sine sjansar på overgangar. Alexander Connor var nære skåring to gongar, først eit skot frå kloss hald, deretter eit skot som landa oppå tverrliggaren. Per Kristian Os Nakken runda keeper, men fekk ikkje avslutta mot mål. Den største sjansen kom likevel då Ronny Leikarnes drog seg fri langs dørlinja. Inne føre mål hadde både Simen Brennvik og Tore Akselsen sjansen til å sette ballen i mål, utan å lukkast.
Heldigvis var Jørgen Gravdehaug kaldare. Midtbaneeleganten runda alt som var før han sette ballen i mål fem minutt før slutt. Dermed var kampen avgjort og heimelaget og dei rundt 150 på tribuna kunne juble.
Tomålsskårar Leikarnes vart kåra til bestemann av juryen. Vi gir mange pluss også til Jørgen Gravdehaug for kreativt midtbanespel, medan spelandre trenar Alexander Connor tok mykje ansvar og coacha laget sitt då ÅIF pressa som hardast i andre omgang.
God og myndig dommar var Ole Petter Kristiansen, Eide. Sjølv om det var tøffe tak til tider, vart det heldigvis ingen stygg kamp mellom to angrepsvillige og lag som spelar positiv fotball. Den store forskjellen i dag meiner vi var i siste del av angrepsspelet der Vestnes Varfjell har meir å spele på gjennom sine gode teknikarar.
Kampfakta:
Vestnes Varfjell - Åndalsnes 4-2
Pause 2-2
4. divisjon Nordmøre/Romsdal
Fredag 12. september 2008 kl 18.30
Vestnes idrettspark
150 tilskuarar
Mål:
0-1 (8) Thomas W Pedersen
1-1 (18) Ronny Leikarnes
2-1 (34) Leikarnes
2-2 (42) Per-Johnny Døving
3-2 (50) Frank Nakken
4-2 (85) Jørgen Gravdehaug
Dommar: Ole Petter Kristiansen, Eide
Gult kort: Thomas André Brastad, Vestnes Varfjell; Ole Dag Østigård og Tommy Løkkebø, ÅIF
Vestnes Varfjell (4-4-2): Marius Sivertsen (Svale Leren 46.); Per Kristian Os Nakken, Yngve Solevågseide, Ørjan Tangen, Thomas André Brastad - Tommy Kanishi Andreassen (Simen Brennvik 70.), Alexander Connor, Jørgen Gravdehaug, Tore Akselsen (Knut Øyvind Hoem 90) - Frank Nakken (Elling Olafsen 70.), Ronny Leikarnes
