Dei to første sjansane noterte me i favør
bortelaget. Alexander Connor skaut over frå god posisjon,
medan eit skot frå Ørjan Tangen ikkje hadde nok kraft
og keeper plukka ballen lett.
Rival var farleg på ei heading som Marius Sivertsen redda,
før Per Olav Inderhaug fekk rom og skaut inn 1-0 frå
16 meter etter ein halvtime. Thomas Mork ville ikkje vere
dårlegare. Den gamle MFK-helten lobba ballen til seg
sjølv om skaut i boge over Sivertsen frå lagt hald til
2-0. Same Mork auka til 3-0 då han lurte Varfjell-forsvaret
og stakk i bakrom fem minutt før pause. Like etter hadde
Tommy Kanishi sjansen til å redusere, men skotet gjekk over.
Også i andre omgang gjekk det lenge før noko skjedde
føre måla. Ronny Leikarnes hadde sjansen til å
sette ballen i ope mål etter 20 minutt, men traff langt
utanfor. Like etter kontra Rival inn 4-0 og no rakna det heilt for
bortelaget. Rival skåra tre gongar på tre minutt
frå 27. til 30. minutt, og auka til 8-0 på overtid.
Rival var gode til tider, men var også effektive og
skåra vel på åtte av rundt ti målsjansar.
Alt i alt ein av dei svakaste kampane av Vestnes Varfjell i
år. Laget hadde sjansen til å gå forbi Rival med
seier, men i løpet av kampen var det lite som tyda på
at det var to tabellnaboar som møttes. Rival vann duellane
og spelte klokt og rutinert mot eit Varfjell-lag som sleit med
presisjonen i pasningsspelet. Nokre hadde også problem med
å halde seg på beina på den tunge bana. Eit par
sko med skruknottar bør stå på
innkjøpslista før viktige haustkampar på
naturgras. Kanishi hadde eit skot utanfor og Leikarnes heada
utanfor i andre omgang, men noko trøystemål vart det
aldri på dei mørkeblå som no møter AK
heime fredag.
Vestnes Varfjell stilte utan bestemann frå forrige kamp,
Elling Olafsen, som var ute med sjukdom.
Kampfakta:
Rival - Vestnes Varfjell 8-0 (3-0)
3. divisjon Nordmøre/Romsdal
Laurdag 22. august 2009 kl 15
45 tilskuarar på Rivalbanen
Mål:
1-0 (30) Per Olav Inderhaug
2-0 (33) Thomas Mork
3-0 (41) Mork
4-0 (68) Espen Rødseth
5-0 (72) Eirik Toft
6-0 (74) Eirik Toft
7-0 (75)Thomas Mork
8-0 (90) Joakim Bo
Dommar: Strømsvåg, Sunndal
1 gult kort til Rival
Vestnes Varfjell (4-3-3): Marius
Sivertsen, Ørjan Tangen, Bjørn-Vegard Løvik,
Nirut Mjøs, Thomas André Brastad (Martin Lange Sylte
75.) - Simen Brennvik, Yngve Solesvågseide, Alexander Connor
(Jørgen Gravdehaug 68.), - Jakob Talberg (Svein Erik Lange
Male 68.), Ronny Leikarnes, Tommy Kanishi Andreassen.
