Vestnes Kommune
v/ Odd Jarle Talberg
6390 Vestnes
Rullering av delplan for idrett, frilufsliv og kulturbygg i Vestnes
Vestnes Varfjell IL har i styremøte 2. september hatt ”rullering av delplan for idrett , friluftsliv og kulturbygg i Vestnes ” oppe til drøfting og har følgjande innspel i denne delplana:
Klubbhus i Vestnes Idrettspark. VVIL har tidlegare og i samarbeid med Vestnes Kommune hatt ein tippemiddelsøknad om å byggje ei isbane på 60x30meter i Vestnes Idrettspark (VIP). Fyrste byggetrinn av dette anlegget vart ferdigstilt i 2005. Området er, slik det framstår i dag, ikkje eigna for idrettsaktivitet .VVIL har difor hatt planar om at området kan verte eit nærmiljøanlegg med kunstgrasdekke. Etter styremøte tysdag 2 september 2008 har VVIL ,grunna den økonomiske situasjonen og eit framtidig behov for eit klubblokale , bestemt å nedprioritere bygging og ferdigstilling av nærmiljøanlegget til fordel for å rette fokus mot bygging av eit klubbhus for våre 700 medlemmer innan 2 år i VIP.
Styret i VVIL ynskjer difor at VK gjennom ”delplan for idrett ,friluftsliv og kulturbygg ” legg inn våre planar for bygging av eit klubbhus i VIP .
Parkeringstilhøve og adkomst til VIP. Parkeringsområdet i samanheng med Vestnes Idrettspark har sidan 2005 hatt ei formidabel auke , både til idrettsaktivitet i VIP men også for friluftsinteresserte til og frå Kråkneset. VVIL opplever at parkeringstilhøva og trafikk til og frå VIP som ikkje tilfredsstillande og ynskjer av VK tek initiativ til at dette vert utbetra snarast råd.
VVIL ynskjer at parkeringsarealet i samanheng med VIP vert utvida og at tunnel / undergang til Helland sentrum vert oppgradert slik at trafikk til og frå VIP vert ivaretatt på ein tilfredsstillande måte.
Vestnes 3. september 2008
Kai M Stokkeland /s/
leiar VVIL
