Vestnes Varfjell møter Åndalsnes fredag 8. februar og Isfjorden og Måndalen dagen etter i det som blir kalla Partnercup. Omgangane blir på 35 minutt. Det er også bestemt at Isfjorden, som er i 5. divisjon, skal få ein handikapstraffe i kvar kamp for å utlikne divisjonsforskjellen. Dette er same reglar som for vintercupen. Vestnes Varfjell og Åndalsnes får likevel ikkje denne fordelen i kampane mot Måndalen.
I ein førehandsomtale i Åndalsnes Avis seier arrangøren at dei ønskjer at dette skal bli ei prestisjeturnering der målet er å kåre det beste romsdalslaget sør for Romsdalsfjorden.
Erik Hals i fotballkretsen er glad for at turneringa på Åndalsnes blir med som ein del av vintercupen. Til Romsdals Budstikke seier han at årets cup kan bli den siste i kretsregi då interessa for ein cup på kunstgraset i Molde har vore dalande i takt med at klubbane sjølv har fått eigne kunstgrasbaner.
