Sju lag påmeldt til seriespel

Vestnes Varfjell har meldt på sju lag i seriespelet i 2008-sesongen. Det er herrer 4. divisjon og 5. divisjon, damer 3. divisjon, gutar 14-16 år, jenter 14-16 år, smågutar 12-14 år 1. divisjon og smågutar 12-14 år 2. divisjon.

I tillegg kjem lag i årsklassane under 12 år. Damelaget gjer comeback i år, medan det ikkje blir lag i 12-14-årsklassa for jenter. Her rykker fjorårets gode lag opp ein årsklasse til jenter 14-16 år.

Fristen for å melde på lag gjekk ut 15. januar for 4. divisjon og går ut 31. januar for dei andre seriane.