Vestnes Varfjell-spelarane har ein ekstra god grunn til å gje alt for å berge plassen i 3. divisjon. Då blir det nemleg tur til Barcelona til våren. Påska 2010 er alt no sett av til det som kan bli den første treningsleiren utanlands for Vestnes Varfjell. Føresetnaden er altså at laget spelar i 3. divisjon også i 2010. Det stadfestar sportsleg leiar Geir Åge Sylte overfor Varfjell.no
Det var på eit spelarmøte før årets sesong det første gong vart det opplyst at A-laget tek sikte på å dra til Barcelona på treningsleir føre neste sesong.
Det mest aktuelle treningssenteret i Spania ligg rundt ein time med buss unna storbyen Barcelona. Kanskje blir det muleg å få med seg ein Barcelona-kamp på Camp Nou (bildet) i løpet av turen også?
Les meir om Barcelona her >>
