Møter Eide heime fredag

Eide er motstandar når Vestnes Varfjell skal kjempe om nye poeng i 4. divisjon fredag.

Sjølv om poengfangsten har vore laber i det siste. har det vore periodar med bra spel. Sjanseskapinga har det heller ikkje vore noko å seie på. Det er bakover det har svikta, og gjort at laget har sluppe inn 50 mål som er mest i divisjonen.

Gjestane frå Eide starta sesongen bra med 1. runde i NM og kamp heilt i toppen av avdelinga lenge. Sidan har laget mista fleire sentrale spelarar som gjekk på folkehøgskule i Molde. Dei tapte 0-5 mot Midsund sist, men heldt Træff 2 til 1-1 borte berre for to veker sidan. Laget har også fått ein ny spelar frå nettopp Træff 2, viser oversikten på fotball.no. 

Eide blir trent av tidlegare Molde-S Ole Bjørn Sundgot. Kampen i vår endte med 3-2 seier til Eide etter ei sein skåring.

Avspark er klokka 19 i Vestnes idrettspark, her er det berre å møte opp for å støtte heimelaget.

Sjekk fotball.no og Twitter/X for oppdateringar.

Det er tett i botn av tabellen og alle poeng tel for å unngå ein av det som i skrivande stund er 1-2 nedrykksplassar (avheng av kor mange lag som rykker ned frå 3. divisjon frå vår krets og om avdelingsvinnar rykker opp eller ikkje.