Leiaren var onsdag 28. mai på møte i Vestnes Næringsforum der kulturhusnemda i Vestnes hadde eit orienteringsmøte om framtidig kulturhus i Helland. På møtet kom det fram at Vestnes idrettspark ikkje er aktuell for eit framtidig fleirbrukshus/kulturhus. I staden ser det no ut til at Sivertsen-området, og ikkje Kataholmen, er mest aktuell lokalisering for eit kulturhus. Argumentasjonen frå utvalet si side mot VIP som kulturhustomt, er at VVIL sine behov må løysast på kort sikt, mens planar om eit kulturhus vil ta lengre tid og at Statens vegvesen ikkje ønskjer ei fjerde arm i rundkøyringa. Det kom også fram at nemda vil at eit framtidig kulturhus skal ligge i Helland sentrum.
VVIL vil uansett utfall av kulturnemda sitt arbeid jobbe vidare med å bygge eit klubblokale med ei økonomisk ramme på inntil kr 7 mill og ein treningshall i VIP eller på grusbanen ovanfor Vestneshallen for å tilfredsstille idrettslagets og fotballen sine behov i Vestnes - kostnadsramme ca 3-4 mill.
Her er ei kort oppsummering av Vestnes Varfjell sin argumentasjon overfor kulturhusnemda i Vestnes kommune torsdag 22. mai. Denne er no berre av akademisk interesse, men det kan vere greit å opplyse kva argument idrettslaget har har hatt:
I presentasjonen fokusterte leiaren på VVIL sitt behov for klubbhus og ein stad å vere for ungdom, samt behovet for innandørs treningsareal fordi Vestneshallen i dag har svært stor aktivitet, fortrinnsvis med handball, og at vi difor ikkje har tilfredstillande treningsmuligheiter vinterstid for fotball.
Vestnes Varfjell IL meiner at VIP, med ei fjerde arm i rundkjøringen på E139, vil vere ei glimrande plassering for eit kulturhus der Helland får stoppeffekt frå 3200 bilar som kvar dag passerer og der turistinfo og andre sørvistenester i kommunen kan plasserast. Tilgjengelig areal på begge sider av kunstgrasbanen utgjer ca 17000 m2 - nok areal både for parkering og nødvendig bygningsmasse som også kan innehalde brannstasjon/politi og ambulanse.
VVIL har meint at eit framtidig fleirbrukshus skal ha mange brukarar og at driftskostnader i denne sammenheng må fordelast, gjerne ved at sentralvarmeanlegget på Hellandheim-området blir nytta til felles oppvarming.
