Husk spelarmøta for junior og senior torsdag!

Vestnes Varfjell har innkalt til spelarmøte både for junior- og seniorspelarar torsdag kl 18.30 og 19. Begge møta blir haldne i klubblokalet i Vestneshallen. Eit av spørsmåla som skal drøftast er om det skal meldast på eit lag i juniorserien. - Det er delte meiningar om dette. I år vart konklusjonen at me melde på eit 2-.lag i 5. divisjon. Å ha både B-lag og juniorlag i tillegg til A-lag blir truleg vanskeleg då mange i tilfelle må spele på fleire lag, seier sportsleg leiar Geir Åge Sylte til varfjell.no.

I diskusjon her på varfjell.no er det fleire som har gitt uttrykk for at dei ønskjer å spele på eit reint juniorlag. Nokre skriv at dei synest det er lite givande å spele i 5. divisjon der fleire av laga er reine oldboys-lag.

- Dette er forståeleg, samtidig må det vere eit mål å gje eit tilbod til flest muleg. Ideelt sett skulle klubben hatt både A-, B og juniorlag, men det er det nok ikkje nok spelarar til, seier Sylte.

Kva meiner du? Ta diskusjonen i kommentarfeltet.

Her er innkallinga Sylte har sendt ut:
Det blir spillermøter torsdag 20.11 i møterommet i Vestneshallen:

Kl 1830: Spillermøte juniorspillere

Kl 1900: Spillermøte seniorspillere

Kl 2000: Trening