A-laget: Vanskeleg bortekamp

Vestnes Varfjell skal ut i vanskelege bortekamp mot Gossen i 4. divisjon i kveld. Gossen rykka opp frå 5. divisjon i fjor, der laget hamna etter at dei trakk laget frå 3. divisjon før sesongen. Det er framleis mange spelarar att frå laget som i fleire sesongar kjempa i toppen av 3. divisjon. Laget fekk utsett sin siste kamp, mot Sunndal 2. Grunnen var"lite rutinerte spillere tilgjengelig" - ifølge eiga nettside, men til kampen i kveld har dei to nye spelarar på plass.

To spelarar frå klubbar i Trondheim, Roger Øien frå Tiller og Kjetil Gjelstenli frå NTNUI, har signert for raudbuksene (les meir). Gossen har tatt alle poengane sine på heimebane, der dei berre har tapt ein kamp i år. Det var med knappast margin - 0-1 - mot serieleiar Åndalsnes.

Vestnes Varfjell er no nærare botnstriden enn opprykk etter tre kampar på rad utan seier. Greier laget å snu trenden i kveld?