A-laget: Nye spelarar på trening

Tre nye spelarar trenar med Vestnes Varfjell for tida. Det er toppskåraren frå 2003, Oddgeir Vikås, Stian Havnen og Thomas Gribbestad. Vikås har spelt for Måndalen dei siste sesongane, Havnen har vore ein flittig målskårar i 5. divisjon for Hjelset-Kleive, medan Gribbestad er forsvarsspelar som kjem frå Træff. Samtidig er junioren Tor Gunnar Venås ønska av Måndalen.

Sjå bilder i MMS-bloggen og video i Varfjell-tv.

 

Sporsleg leiar Geir Åge Sylte seier signaturane manglar, men at alle har sagt at dei ønskjer å spele for Vestnes Varfjell.

 

Vikås si kontrakt med Måndalen går ut i mars, medan Havnen sin gamle klubb ifølge fotballkretsen sine nettsider ikkje er påmeldt til årets 5. divisjon. Han dukka opp på eit spelarmøte før jul med beskjed om at han ønskjer å spele for Vestnes Varfjell.

Når det gjeld Tor Gunnar Venås opplyser Sylte at han alt er observert på trening i Måndalen, men at dei ikkje har mottatt noko overgangsskjema. Tresfjordingen er førsteårsjunior, men spelte nokre kampar for B-laget i fjor der han også kom på skåringslista. Frå før spelar dei tidlegare Vestnes Varfjell-spelarane Vegar Skare og Audun M Leikarnes for divisjonskollegaen frå Rauma.

 

Torsdag spelar A-laget til Vestnes Varfjell sin første treningskamp for vinteren når Norborg kjem på besøk til Vestnes Idrettspark. Avspark er klokka 19.00.