Då vedtok nemleg kretsstyret at KBK 2 får halde fram i 3. divisjon trass i at dei ikkje kunne stille lag i ein kamp mot Bryn. Hadde dei blitt stroke ville Træff ha passert Molde 2 i toppen i 3. divisjon. Blir Træff vinnar av 3. divisjon og rykker opp gjennom kvalifisering vil også Træff 2 kunne rykke opp frå 4. divisjon. Træff 2 ligg 4 poeng føre Vestnes Varfjell og vil vere uråd å ta att om dei vinn sin siste kamp, heime mot Bud søndag.
Molde 2 treng nå berre ein uagjort heime mot Måndalen i siste kamp for å vere sikra meisterskapet i 3. divisjon. Dermed er det i praksis berre eit MFK-nedrykk frå Tippeligaen som kan hindre eit opprykk for Vestnes Varfjell. Då kan nemleg heller ikkje Molde 2 rykke opp og kvalifiseringsplassen går til Træff. Med mindre laget skulle vinne sine to siste kampar og Åndalsnes eller Træff 2 tape sin siste kamp. ÅIF møter Midsund heime i siste serierunde, Vestnes Varfjell tar imot Dahle 2.
