(Vestnes Varfjell - Hjelset-Kleive 2-1) Skåringar av Knut Stian Eik og Willam Hjelvik var nok til å sikre seier 2-1 i treningskampen mot Hjelset-Kleive laurdag. Seieren kunne vore større i det som gjerne blir omtalt som ei "grei gennomkøyring" med mange bytter og tre debutantar.
Første omgang var mållaus, men det mangla ikkje på sjansar for heimelaget i medvinden.
Kaptein Tor-Bjarne Løvik Salte leia an i det som vart ei einvegskøyring mot målet til gjestane i første omgang. Sjølv var han nære på med ei heading som hamna rett på keeper. Også Leo Krogseth og William Hjelvik -- begge framtredande i det offensive spelet -- hadde store sjansar i første omgang.
I andre omgang løsna det. 1-0 kom då dagens bursdagsbarn Knut Stian Eik var frampå og sette ballen i mål. Gjestane ulikna på sitt første skot på mål i kampen, men 2-1 kom ikkje lenge etterpå då William Hjelvik var spelt igjennom av Tommy Kanishi Andreassen.
I andre omgang fekk tre spelarar sine første minutt for a-laget til Vestnes Varfjell - ein veteran og to unggutar. Ole Alexander Ulvestad gjorde comeback som midstoppar med godt overblikk og presise pasningar. Han har fortid i mellom anna Molde og Alta, men det er nokre år sidan. Gutespelarane Andreas Hole og Markus Lyslo fekk også prøve seg, og begge viste at dei blir viktige å ha med i ein stall som har blitt mindre og mindre i løpet av vinteren.
Også toppskårar Elling Olafsen sesongdebuterte og var nære nettkjenning på slutten.
Imponerande mange hadde tatt turen i vårvær og 15 varmegrader. Det er godt å sjå at publikum støttar laget i det som har vore ei trøblete sesongoppkøyring på mange måtar.
Dagens gjestar spelar i 5. divisjon. Der berga dei plassen etter at Eidsvåg trekte seg, og i løpet av vinteren har dei fått fleire spelarar frå nettopp Eidsvåg.
Neste kamp er borte mot Stordal/Ørskog om ei veke.
KAMPFAKTA:
Vestnes Varfjell - Hjelset-Kleive 2-1 (0-0)
Treningskamp, laurdag 22. mars 2025 kl 16
Vestnes idrettspark, 70 tilskuarar
Mål:
1-0 (47) Knut Stian Eik
1-1 (53)
2-1 (56) William Hjelvik
Dommar. Eren Aksoy
Ingen kort
Vestnes Varfjell (4-3-3): Egil Dalhaug; Håkon Kjørvik, Svein Erik Lange Male, Ørjan Tangen, Sverre Lindset - Simon Kjørvik, Tor-Bjarne Løvik Salte (k), Leo Krogseth - William Hjelvik, Knut Stian Eik, Eirik Leao Tomren
Inn: Tommy Kanishi Andreassen, Arjan Sylte, Andreas Hole, Markus Lyslo, Elling Olafsen
Bildegalleri under:
