(Vestnes Varfjell - Hjelset-Kleive 2-1) Leo Krogseth og Casper Andreassen skåra måla då Vestnes Varfjell snudde til seier 2-1 mot Hjelset-Kleive onsdag
Dermed har laget gått gjennom vårsesongen i 5. divisjon med seier i alle dei åtte kampane laget har spelt (bortekampen mot Molde 3 vart flytta til haustsesongen).
Laget måtte verkeleg slite for alle tre poenga då Hjelset-Kleive gjesta Vestnes idrettspark onsdag. Gjestane frå indre Molde tok frekt og freidig leiinga før kvarteret var spelt. Eit skot frå skrått hald forandra retning via Svein Erik Lange Male og lurte Egil Dalhaug i Vestnes Varfjell-buret.
Då hadde Casper Andreassen alt hatt kampens første store sjanse aleine med keeper. Også Elling Olafsen hadde ein kjempesjanse då han etter 25 minutt fekk stå heilt aleine i 16-meteren, men keeper redda. Det var i det heile mykje nesten for heimelaget før pause. Laget hadde overtaket og sjansane, men det sto 0-1 ved halv tid.
Tor-Bjarne Løvik Salte har vore ute med sjukdom, men kom inn til andre omgang. Han satte med ein gong større fart på Varfjell-angrepet. Det varte heldigvis ikkje lenge før utlikninga kom. Kristian Flittie Onstad sendte eit langt framspel til Leo Krogseth. Han svarte med ein Krogseth-spesial ved å dra seg inn i feltet og avslutte med skot forbi keepers motsatte hjørne.
Heimelaget tok etter kvart kraftig over mot slitne gjestar. Samtidig herja spelande trenar Tommy Kanishi Andreassen på midtbanen. Han gjekk føre med stor innsats då laget sleit.
Etter timen noterte me eit par verkeleg store sjansar. Både Didrik Sæter og Casper Andreassen hadde sjansen med skot frå kloss hald, men gjestanes keeper Kristengård heldt laget inne i kampen med gode redningar.
Seiersmålet skulle likevel komme kvarteret før slutt. Magnus Nerheim fekk krangla ballen vidare til Casper Andreassen som sette ballen til side for keeper og i mål frå ti meter.
Tor-Bjarne Løvik Salte var nære 3-1 då han gjekk på soloraid, men skotet frå nesten død vinkel gjekk i stolpen. Dommar la til ein del minutt grunna skadar, men seieren var aldri truga.
Laget tek no ein ferie på heile to månader. Neste kamp er først 17. august, den utsatte bortekampen mot Molde 3.
KAMPFAKTA
Vestnes Varfjell - Hjelset-Kleive 2-1 (0-1)
5. divisjon Nordmøre og Romsdal, onsdag 17. juni 2026 kl 19
Vestnes idrettspark, 95 tilskuarar
Mål:
0-1 (15) sjølmål (Svein Erik Lange Male)
1-1 (56) Leo Krogseth
2-1 (75) Casper Andreassen
Dommar: Håkon Skram, Frei
Assistentdommarar: Håkon Bøe Olsen, Dahle og Andreas Løvold, Averøykam
Gult kort: Tre til Hjelset-Kleive
Startoppstilling:
1 Egil Dalhaug
45 Cédric Ronnie Hellström Andreassen
27 Kristian Flittie Onstad
23 Svein Erik Lange Male (K)
9 Magnus Nerheim
22 Torstein Væge Nekstad
80 Tommy Kanishi Andreassen
24 Didrik Selnes Sæter
90 Casper Rolf Hellstrøm Andreassen
10 Leo Villa Krogseth
77 Elling Furland Olafsen
Innbyttere:
7 Tor-Bjarne Løvik Salte 46. min for Cédrik Andreassen
25 Henrik Leao Tomren 77. min for Olafsen
4 Vegard Storsæter Ellingseter 85. min for Krogseth
11 Sverre Olgar Lindset 85. min for Sæter
Lagoppstilling her
