Partner cup: Tap også mot Måndalen

Vestnes Varfjell tapte også sin andre kamp i Partner cup. Måndalen vann 4-2 på Øran-kunstgraset laurdag. Vegard Ellingseter skåra begge måla for Vestnes Varfjell, som leia 2-0. Laget skulle spelt ein kamp til, men den vart ikkje noko av etter at Isfjorden og Åndalsnes meinte det fekk vere nok kampar i det ufyselege veret. Rollon vann finalen 2-1 over Rival.

Video frå kampen mot Måndalen her

Kampen mot Måndalen vart spelt med normale omgangar, sidan dette var den einaste kampen Vestnes Varfjell fekk spele på turen til Åndalsnes. Oppmann Einar Helge Brennvik fortel at det var sterk vind og svært vanskelege speleforhold med sterk "skjelle".

{seyretpic id=843 align=right}- Me var fullt på høgde i det vesle som var råd å få til av spel i vinden og snødrevet, seier Brennvik til varfjell.no. 

 

Laget starta best og leia 2-0 før 20 minutt var spelt. Begge gongar var Vegard Ellingseter sist på ballen, først skåring på retur etter eit flott raid å så frå straffemerket etter at Oddgeir Vikås vart felt av Måndalen-keeper Espen Pedersen. Måndalen reduserte utlikna før pause og sikra seg seieren med to nye mål i andre omgang. Svak klarering frå Varfjell-forsvaret ved i alle fall to av måla. Vestnes Varfjell hadde eit skot i tverrliggaren etter pause, medan Måndalen traff stolpen.

 

- Det var vanskelege speleforhold både fredag og laurdag, men me tar med oss desse kampane som god trening. Dessverre vart det med den eine kampen laurdag, me skulle gjerne ha spelt ein kamp til for treninga si skuld, seier Brennvik.

Gutespelar Marius Ulla frå Vikebukt debuterte for Måndalen etter overgangen frå Vestnes Varfjell tidlegare i vinter. Han er den femte spelaren frå Vestnes Varfjell som no spelar for Måndalen. Dei andre er Vegar Skare, Sindre Balstad, Audun Leikarnes og Tor Gunnar Venås. Oddgeir Vikås har gått motsatt veg i vinter.

 

Langevåg er neste treningsmotstandar for Vestnes Varfjell, laurdag 14. mars kl 13 i Vestnes idrettspark. 

 

Kampfakta:

Måndalen - Vestnes Varfell 4-2 (2-2)

Partner cup, laurdag 28. februar 2009 kl 14.00

Øran kunstgras, 25 tilskuarar

Mål:

0-1 (12) Vegard Ellingseter

0-2 (20) Ellingseter

1-2 (21) Tommy Nikolaisen

2-2 (28) T Nikolaisen

3-2 (48) Freddy Nikolaisen

4-2 (88) Krister Berild

Dommar: Modolf Holm, Isfjorden

Gult kort: Elling Olafsen (40)

Vestnes Varfjell (4-3-3): Arild Mundal (Svale Leren 46.); Martin Lange Sylte (Svein Erik Lange Male 46.), Ørjan Tangen, Nirut Mjøs (Oddgeir Vikås 61.), Simen Brennvik - Jørgen Gravdehaug (Yngve Solevågseide 50.), Elling Olfasen, Vegard Ellingseter - Thomas André Brastad, Oddgeir Vikås (Tarjei Bjermeland 55.), Tommy Kanishi Andreassen (Alexander Connor 70.).

 

Måndalen om kampen

 

Rollon vann alle sine tre kampar (slo Måndalen 2-0 i første kamp laurdag) i Partner cup og vart verdig meister. Rival tok seg til finalen etter seier 6-1 over Åndalsnes og 1-0 over Isfjorden. Kampane om 3. og 5. plass vart ikkje spelt.

 

Les kva dei andre skriv om turneringa:

Rollon

Rival