(Vestnes Varfjell - Nordlandet/Frei 3-2) Vestnes Varfjell sikra sin fjerde strake seier i 5. divisjon då Nordlandet/Frei vart slått 3-2 torsdag kveld. Heimelaget gjorde det unødvendig spennande, men med eit praktfullt skot sikra Leo Krogseth at alle poenga vart att på Vestnes.
Nordlandet/Frei er ein ny konstellasjon av året, sett saman av bydelsklubben Nordlandet i Kristiansund og restane av Frei-laget som trekte seg frå 4. divisjon etter å ha tapt 0-8 for Vestnes Varfjell i fjor. Dei sto med to seierar og to tapte kampar før turen til Vestnes. Med andre ord eit av dei betre laga under topplaga.
Heimelaget visste at dette helst burde blir tre poeng på heimebane, og før minuttet var spelt sette Didrik Sæter inn 1-0 etter innlegg og forarbeid av Leo Krogseth. Frå avspark til ballen lag i nota tok det nøyaktig 32 sekund.
Tonen var sett, men heimelaget sleit med å følge opp. Laget hadde spelet, men det vart mykje ein og ein. Sæter var nære 2-0 då han dribla seg heilt fram til keeper, ellers var behaldninga nokre skotforsøk. 1-0 ved halv tid i vårregnet i Vestnes idrettspark.
Også etter pause jakta heimelaget fleire skåringar. Den kom etter timen då Elling Olafsen skaut i mål frå kloss hald etter innlegg frå William Hjelvik som la inn frå dødlinja etter eit langt framspel frå Vegard Ellingseter. No trudde nok dei fleste at heimelaget skulle cruise inn til seier, men plutseleg vakna gjestane. Dei hadde ikkje skapt noko før i kampen før eit frispark inn i feltet endte hos Andrian Hestvik som reduserte med eit skot frå kloss hald. Så måtte Egil Dalhaug varte opp med ei praktredning for å hindre 2-2. Utlikninga kom likevel etter at Fredrik Kvinge Hansen fekk fulltreff på andre bølge etter ein corner.
Heldigvis hadde Vestnes Varfjell krefter til ein sluttspurt. Ti minutt før slutt sette Leo Krogseth inn det som skulle bli vinnarmålet. Kantspelaren gjorde alt sjølv etter ein fin crosspasning frå Didrik Sæter, der han drog seg fri inne i feltet og curla ballen i lengste hjørne.
Laget hadde også sjansar til å skåre fleire mål på slutten. Tor-Bjarne Løvik Salte heada like over, medan Leo Krogseth skaut i tverrliggaren og over etter flott forarbeid av innbyttar Henrik Tomren.
Kristian Flittie Onstad sesongdebuterte i midtforsvaret og tok kommando i den omgangen han spelte. Framover var Didrik Sæter friskast saman med matchvinnar Krogseth.
Neste kamp blir eit skikkeleg toppoppgjer når Batnfjord kjem på besøk neste fredag.
Vestnes Varfjell - Nordlandet/Frei 3-2 (1-0)
5. divisjon Nordmøre og Romsdal, torsdag 21. mai 2026 kl 19.30
Vestnes idrettspark, 75 tilskuarar
Mål:
1-0 (1) Didrik Sæter
2-0 (61) Elling Olafsen
2-1 (63) Adrian Johan Dall Hestvik
2-2 (76) Fredrik Kvinge Hansen
3-2 (80) Leo Krogseth
Dommar: Harald Vebenstad, Averøykameratene
Assistentdommarar: Håkon Bøe Olsen, Dahle og Lauritz Røstberg, Rival
Gult kort: Tor-Bjarne Løvik Salte, Vestnes Varfjell (88)
Vestnes Varfjell (4-3-3): Egil Dalhaug (K): Sverre Lindset (Magnus Nerheim 46.), Kristian Flittie Onstad (Vegard Ellingseter 46.), Svein Erik Lange Male, Torstein Væge Nekstad - Didrik Selnes Sæter (Henrik Leao Tomren 81.), Tommy Kanishi Andreassen, Tor-Bjarne Løvik Salte, William Pedersen Hjelvik, Elling Olafsen (Odd Johann Ludviksen 73.), Leo Villa Krogseth
Bildegalleri:
