Sjå video her>> | Bildegalleri>>
Kampen starta med at gjestane fekk nokre gratissjansar frå eit heimeforsvar som ikkje var heilt med i starten. Etter kvart kom
| {seyretpic id=552 align=center}{seyretpic id=553 align=center}{seyretpic id=554 align=center} |
heimelaget meir med i kampen. Elling Olafsen hadde nokre gode skuddforsøk før Alexander Connor spelte fri Ronny Leikarnes, men den gode KFK-målvakta Sondre Lekve hindra skåring. Seinare hadde Vestnes Varfjell store sjansar på to cornerar etter kvarandre. Nærast kom Ørjan Tangen, men skotet vart redda.
I mosett ende hadde KFK ein stor sjanse då ein lobb traff oppå tverrliggaren. Eit raid frå Tore Akselsen avslutta omgangen, men igjen redda keeper. 0-0 ved pause.
Vestnes Varfjell tok tak i kampen etter kvilen. Laget kjempe godt og vann duellane. Etter 22 minutt kom det velfortente 1-0-målet. Ørjan Tangen spelte fri Jakob Talberg som sette ballen kaldt forbi keeper. Like etter kunne Ronny Leikarnes ha heada inn 2-0 på eit flott innlegg frå Elling Olafsen, men igjen redda keeper.
Vestnes Varfjell hadde god kontroll etter dette, og først dei siste ti minutta skjedde det noko. Innbyttar Frank Nakken fekk ballen for langt føre seg på eit framspel som kunne blitt ein stor sjanse. Så kom ein dobbeltsjanse der Ronny Leikarnes først skaut i stolpen før Elling Olafsen skaut over ope mål.
KFK var eit bra lag, men det var først på dødballar og lange framspel laget var verkeleg farlege. Då hadde Vestnes Varfjell-forsvaret problem med å demme opp. Det var nettopp det som skjedde då utlikningsmålet kom like før slutt. Ballen hamna i ei klynge med fleire raude trøyer og Kjetil Gimnes sette inn 1-1. Bittert for heimelaget som hadde tre poeng nærast i lomma då dette skjedde.
Juryen i Hegreberget kåra Ørjan Tangen til heimelagets beste. Han spelte seg stort opp gjennom kampen og viste at han også kan bekle ein plass i midtsforsvaret. Fleire andre spelte også bra, men vi vil trekke fram sideback Thomas André Brastad spelte ein god kamp, målskårar Jakob Talberg på midtbana og innbyttar Vegard Ellingseter.
Motstandar om kampen >>
Kampfakta:
Vestnes Varfjell - KFK 1-1 (0-0)
Seriekamp 4. divisjon Nordmøre/Romsdal
Vestnes idrettspark, 85 tilskuarar
Mål:
1-0 (67) Jakob Talberg
1-1 (89) Kjetil Gimnes
Dommar: Kristiansen, Måndalen
Gult kort: Elling Olafsen, Ørjan Tangen og Tommy Kanishi Andreassen, alle VVIL
Vestnes Varfjell: Sivertsen, Brennvik, Tangen, Solevågseide, Brastad - Olafsen, Connor (F Nakken 62.), Talberg - Akselsen (Ellingseter 73.), Leikarnes, Kanishi.
