A-laget: Spolerte sjansane

Vestnes Varfjell spelte ein god kamp borte mot Træff 2 måndag kveld, men sløste med sjansane og måtte til slutt tåle tap 3-5. Dermed er Træff 2 ny serieleiar og Vestnes Varfjell må ha hjelp frå andre for å sikre opprykket utan å vere avhengig av kva som skjer med MFK. Tore Akselsen (2) Tommy Kanishi Andreassen og skåra for Vestnes Varfjell. Videoar av måla finn du under.

 

Træff tok leiinga først på nye Reknesbanen, men {seyretpic id=721 align=right}Tore Akselsenflikka inn 1-1 på ein corner der linjemannen dømte at ballen hadde vore over linja. Like før pause auka same mann til 2-1 på eit flott langskot, men Træff 2 kom tilbake og reduserte til 2-2 ved halvtid.

 

Vestnes Varfjell hadde eit overtak mot slutten av første omgang, men effektive Træff slo til etter kvilen og gjekk opp i tomålsleiing. Vestnes Varfjell forsøkte no hardt på å redusere, men fekk i staden 2-5 i mot. Mot slutten reduserte Tommy Kanishi Andreassen ein gong. Ei kontring vart avslutta med skot frå spiss vinkel. 

 

- Vi skaper mange sjansar, men dei hadde ein keeper som sto som ein levande vegg. Samtidig var dei mykje meir effektive enn oss, fortel Lars Jørgen Skjegstad frå Reknesbanen.  

 

{seyretpic id=722 align=left}På det eine målet låg ein Træff-spelar nede mange stoppa opp i påvente av at ballen skulle bli spelt ut. I staden gjekk Træff 2 fram og skåra.  

 

Tapet treng ikkje å ha noko betydning for opprykket. Træff 2 kan nemleg ikkje rykke opp med mindre førstelaget deira gjer det same. For at det skal skje må anten MFK 2 passerast i 3. divisjon og/eller MFK rykke ned frå eliteserien. Samtidig må dei sjølvsagt vinne kvalifiseringskampane mot vinnaren på Sunnmøre. Slik tabellane er i skrivande stund er både Vestnes Varfjell og Åndalsnes alt klare for 3. divisjon (med mindre MFK 3 tar att 19 plussmål på Varfjell på dei to siste kampane).

 

{seyretpic id=725 align=right}Merk at Træff 2 låg fem poeng bak Vestnes Varfjell før Sunndal 2 vart utelukka, no er dei fire poeng føre (med ein kamp meir spelt).  

 

 

Kampfakta:

Træff 2 - Vestnes Varfjell 5-3 (2-2)

Reknesbanen, 50 tilskuarar

Mål:

1-0 (8) Joakim Vatne

1-1 (22) Tore Akselsen

1-2 (42) Akselsen

2-2 (44) Pål Kirkevold

3-2 (50) Martin Christiansen

4-2 (65) Thomas Flemmen

5-2 (83) Vatne

5-3 (90) Tommy Kanishi Andreassen

Dommar: Hallgeir Talstad, Molde

Vestnes Varfjell (4-4-2): Marius Sivertsen; Simen Brennvik, Yngve Solevågseide, Ørjan Tangen, Thomas André Brastad (Knut Øyvind Hoem) - Tommy Kanishi Andreassen, Vegard Ellingseter (Jørgen Gravdehaug), Alexander Connor (Frank Nakken), Tore Akselsen - Elling Olafsen, Ronny Leikarnes