På eit spelarmøte for juniorar torsdag kveld kom det fram at det er størst interesse for å stille eit reint juniorlag i 1. divisjon komande sesong. - For å få til dette må me ha ein stamme på rundt 16 reine juniorspelarar. På møtet var det 11 spelarar, inkludert to som alt er etablert på A-laget, seier sportsleg leiar Geir Åge Sylte til varfjell.no. Det kan uansett vere aktuelt å melde på eit lag til juniorcupen.
Her går fristen ut i desse dagar med tanke på kvalifiseringskampar i vinter. Alternativet til lag i 1. divisjon junior er B-lag i 5. divisjon som i år. Spel i 2. divisjon junior er minst aktuelt. Her er nivået dårleg og det kan gje lengre reiser.
- Det er no på mange måtar
opp til spelarane sjølve kva som skjer vidare. Dei som ivrar
for reint juniorlag må få med seg fleire spelarar.
Å melde på eit lag med for tynt spelargrunnlag blir
ikkje aktuelt. Då er det lettare å organisere eit lag i
5. divisjon fordi ein der har heile A-stallen å støtte
seg på, seier Geir Åge Sylte.
Seniorane hadde spelarmøte etterpå. Rundt 25 spelarar
deltok på dei to spelarmøta, der det også vart
gjort ei evaluering av årets sesong.
