Hoem: Breiare stall enn i fjor

Vestnes Varfjells nye førstelagstrenar Knut Øyvind Hoem er positiv til det han har sett av laget sitt så langt. Stallen er breiare enn i fjor. Det er godt oppmøte på treningane og bra "trøkk", meiner nytrenaren. Hoem rykka opp som hovudtrenar på kort varsel då Alexander Connor varsla at han trengte ei pause etter ni sesongar som trenar. Svein Erik Lange Male blir spelande assistenttrenar og også oppmann Helge Liabø skal bidra på treningsfeltet. - Det trur eg skal fungere godt. Eg var alt igang med treningane av laget, og me følte det var for seint å gå for ein ny trenar eksternt no, seier Hoem. Frå laget i fjor er Karl Arne Stokkeland (KFK) i avgang. Jan Robin Ulvestad (ex TIL og MFK) er ny i klubben, medan Ole Håkon Heen Lien returnerer. Hoem håper også at Trond Klokset skal spele i mørkeblått igjen. Også Alexander Connor er aktuell for å satse som spelar att etter at han gir seg som trenar. Opp frå eigne rekker kjem fleire talent, der fleire alt har fått speletid på A-laget. Juan Hoem Larsen, Håkon Kjørvik, Knut Stian Eik, Jardar Sylte og Jarle Løvik Salte utgjer ei hospitantgruppe under A-laget.