A-laget: Toppkamp på heimebane i kveld kl 19

Dei to topplaga i årets 4. divisjon møtest til dyst i kveld når serieleiar KBK 2 gjestar Vestnes idrettspark. Det som skulle vere "seriefinalen" forsvann etter at heimelaget har tapt to kampar på rad. Avstanden opp til KBK er no på 10 poeng, og det er ikkje muleg å ta att med berre fem kampar att å spele. KBK kan feire opprykk til Adeccoligaen med poeng mot Skeid søndag, og med seier i kveld er eit opprykk for andrelaget også nær sikra. Vestnes Varfjell tapte 1-4 i bortemøtet, men var på høgde i andre omgang. Laget har også mykje å revansjere etter to svake bortekampar. Møt fram og hei heimelaget til seier! All førehandsinfo om kveldens kamp finn du her.