3. divisjon vart avslutta søndag der ein kamp var spesielt interessant sett med Vestnes Varfjell-auge. Molde 2 slo Måndalen 5-0 og sikra seg dermed førsteplassen føre Træff. Det betyr igjen at Træff 2 ikkje kan rykke opp frå 4. divisjon. Berre eit nedrykk frå eliteserien for MFK kan dermed hindre Vestnes Varfjell opprykk til 3. divisjon. MFK treng eit poeng for å unngå kvalifiseringsplassen i Tippeligaen. Måndalen bergar seg i 3. divisjon dersom Molde (eller Træff) slår vinnaren på Sunnmøre (AaFK 2 eller Brattvåg) i kvalifiseringa til 2. divisjon.
Før siste serierunde i 3. divisjon var spenning knytt til
kven som hamna på førsteplass og sisteplass. Bryn slo
AK 2-1 i sin kamp og dermed måtte Måndalen unngå
tap med 8 mål for Molde 2. Måndalingane kjempa godt
på Aker stadion og eit toppa MFK 2-lag nøyde seg med
fem skåringar. På Måndalen spelte tidlegare
Vestnes Varfjell-spelar Vegard Skare venstreback heile kampen,
medan Audun Leikarnes og Sindre Balstad kom innpå i andre
omgang.
Sluttabellen i 3. divisjon
