Tre skåringar av Amund Stavem, det siste på overtid, sikra seier 3-2 i treningskampen mot nabo Tomrefjord onsdag kveld. Gjestane var i leiinga to gongar og kjempa desidert best og følte seg nok snytt for seieren. Ken Robin Hildre gav dei gulkledde leiinga då han stakk imellom Varfjell-forsvaret etter eit kvarter. Amund Stavem utlikna då han fekk krangla ballen i mål like før kvilen. Heimelaget hadde også ei avslutning i stolpen ved Elling Olfasen før pause, medan gjestane var farleg fleire gongar på kontringar. Tomrefjord starta best etter pause og tok fortent leiinga igjen på eit frispark som keeper Adrian Gabrielsen redda, men måtte gje retur på. Vestnes Varfjell sleit med å få til sitt pasningsspel mot aggressive tomrefjordingar. Først det siste kvartert snudde kampbildet. Amund Stavem var igjen frampå og utlikna til 2.2 før same mann skauit kontant forbi keeper til seier nokre minutt på overtid. - Godt å vinne på ein dårleg dag. Tomrefjord hadde eit høgare teningsnivå enn oss i kveld, sa trenar Knut Øyvind Hoem etterpå. Han var fornøgd med måten laget avslutta kampen på. - Det hjalp å endre formasjon til 4-4-2, meinte han. God og myndig dommar var Svale Leren, som introduserte dommarsprayen i Vestnes idrettspark. 70 tilskuarar såg kampen denne fine marskvelden, mange av dei hadde tatt turen frå Tomrefjord. Neste kamp for Vestnes Varfjell er mot Stranda andre påskedag. Kampfakta under:
Vestnes Varfjell - Tomrefjord 3-2 (1-1)
Treningskamp
Onsdag 18. mars 2015 kl 19
Vestnes idrettspark. 70 tilskurar
0-1 (15) Ken Robin Hildre
1-1 (43) Amund Stavem
1-2 (49)
2-2 (75) Stavem
3-2 (90) Stavem
Dommar. Svale Leren, Fiksdal/Rekdal
Gult kort: Amund Stavem (67)og Thomas André Brastad (41), Vestnes Varfjell, eitt til Tomrefjord (89)
Vestnes Varfjell (4-3-3/4-4-2): Adrian Gabrielsen; Ole Håkon Heen Lien (Kevin Gravdehaug 72.), Ørjan Tangen, Thomas André Brastad, Adrian Liabø (Azim Ahmadi 46.) - Sivert Nerheim (Juan Larsen 75.), Nirut Mjøs, Ole Gunnar Kjærstad (Trond Klokset 55.) - Amund Stavem, Elling Olafsen, Magnus Nerheim
