(Vestnes Varfjell - Elnesvågen 2-1) Fire minutt på overtid hælsparka Knut Stian Eik inn 2-1 og Vestnes Varfjell kunne juble for livsviktige poeng i kampen om fornya kontrakt i 4. divisjon.
Sjå måla i kampen her:
Kampen starta også bra for vertane. Tor-Bjarne Løvik Salte heada inn 1-0 på ein corner etter 11 minutt. Så tok gjestane gradvis over, men kom ikkje nærare enn ei avslutning i tverrliggar og over. Vestnes Varfjell heldt unna og kunne gå til pause med leiing.
SJÅ BILDEGALLERI FRÅ KAMPEN HER (FOTO: MARIUS HELGÅ)
Dessverre gjekk det berre ti minutt av andre omgang før gjestane var à jour. Isac Henøen fekk stå aleine inne i 16-meteren og plassere ballen i motsatt kryss.
Begge lag gjekk for seier etter dette og det vart ein sjanserik andreomgang. For Vestnes Varfjell noterte me sjanse på ein corner for Eirik Tomren etter 59 minutt og eit godt skotforsøk frå Tommy Kanishi etter 70 minutt. I andre enden måtte Owen Connor i aksjon fleire gongar.
Etter 80 minutt skjedde det mykje i regnværet i Vestnes idrettspark. Først fekk Elnesvågen ein spelar utvist etter eit slag mot bahohovdet til Magnus Nerheim. Varfjell-leiren reagerte fordi dommar blåste akkurat i ei kontring. Men sidan det var snakk om hovudskade var nok det ei rett vurdering av kampens gode dommar, Eirik Furu.
Med ein mann meir gjekk heimelaget for seieren. Tommy Kanishi skaut i stolpen like før ordinær tid. Elnesvågen var heller ikkje utfarlege og berre ei god redning frå Connor hindra skåring like etter.
Avgjersla kom nesten fem miniutt på overtid: Magnus Nerheim la ein lang ball fram til Tommy Kanishi som lurte seg bak ein Elnesvågen-spelar. Inne framom mål signaliserte Knut Stian Eik kor han ville ha ballen og med innsida sendte han den vidare i mål til vill jubel. Enno var det fire minutt att av overtida, men til slutt kunne heimelaget juble for tre særs viktige poeng.
Neste kamp er borte mot Dahle fredag om ei veke.
Les kva kva banehoppar Marius Helgå skreiv om kampen og sjå bilde her.
KAMPFAKTA
Vestnes Varfjell - Elnesvågen 2-1 (1-0)
4. divisjon Nordmøre og Romsdal, fredag 27. september 2024 kl 19
Vestnes idrettspark, 60 tilskuarar
Mål:
1-0 (12) Tor-Bjarne Løvik Salte
1-1 (54) Isac Henøen
2-1 (90+4) Knut Stian Eik
Dommar: Eirik Hyldbakk Furu, Fotballklubben Clausenengen Kristiansund. Assistentdommarar: Trym Haugen Enaasen, Tingvoll Idrettslag og Mikael Oppedal, Frei Fotballklubb)
Raudt kort: Robin-Alexander Bergseth, Elnesvågen (83)
Gult kort: Didirk Sæter og Alexaner Connor (trenar, 83.), Vestnes Varfjell. Isac Henøen (54), Elnesvågen
Vestnes Varfjell (4-3-3):
1 Owen Hjelme Connor
2 Håkon Ødegård Kjørvik
23 Svein Erik Lange Male
95 Tor-Bjarne Løvik Salte
66 Lars-Helge Lien
17 Leo Villa Krogseth
10 Amund Stavem (k)
80 Tommy Kanishi Andreassen
15 Oscar Rekdal Misfjord
14 Knut Stian Eik
18 Eirik Leao Tomren
Innbyttarar:
9 Magnus Nerheim 73. min for Lars-Helge Lien
24 Didrik Selnes Sæter 58. min for Håkon Kjørvik
27 Amandus Utgård Andreassen 80. min for Eirik Tomren
28 Sverre Olgar Lindset 96. min for Knut Stian Eik
Ubenytta:
12 Egil Dalhaug
4 Magnus Skorgen Søraas
6 Ørjan Tangen
19 Arjan Elias Furland Sylte
25 William Pedersen Hjelvik
