(Vestnes Varfjell - Frei 8-0) Vestnes Varfjell serverte målfest då Frei kom på besøk i 4. divisjon fredag. Det sto 3-0 ved pause, men i andre omgang rann måla inn heilt til det sto 8-0 på måltavla. Knut Stian Eik, Svein Erik Lange Male (2), Jon Areas Venås, Elling Olafsen (2), Sverre Lindset og Rudi Samseth skåra måla.
Frei har hatt ei tøff retur til 4. divisjon og står utan poeng så langt. Laget greide ikkje å stille lag mot Elnesvågen måndag, men til Vestnes fredag kom dei med ein tropp på 14 mann. Dessverre var berre dei svarte bortedraktene med, noko dommarane meinte var for likt heimelagets mørkeblåe drakter. Dermed måtte gjestane frå Kristiansund spele i oransje vestar.
Heimelaget såg absolutt ikkje for seg noko walkover og var påskrudd frå start under leiing av Bjørn Nedreskodje, hovedtrenar for kvelden. Tre minutt var spelt då Knut Stian Eik, tilbake etter skade, var først då keeper måtte gje retur på eit Tommy Kanishi-skot. Eik runda keeper og sette inn 1-0. Same Eik var nære sitt andre mål då han like etter heada over etter innlegg frå Sverre Lindset. Så hadde Leo Krogseth eit skot like over krysset før same mann kom igjennom, men ikkje fekk straffe då det heilt klart såg ut som han vart felt.
2-0 kom likevel på det som har blitt ein spesialitet i år - mål frå hjørenespark. Som vanleg var det Svein Erik Lange Male som lurte seg i posisjon til å heade den presise corneren frå Leo Krogseth i nettmaskene.
Frei hadde berre eit par visittar på Varfjells banehalvdel, der Kristian Flittie Onstad regjerte samtidig som han dirigerte troppene lenger framme på banen. Ein liten glipp frå keeper kunne gitt Frei ei redusering, men heimelaget var ikkje ferdige på si side. Jon Areas Venås hadde hatt eit skot i stolpen og ut då han hadde justert siktet eit knepp og sette inn 3-0 etter forarbeid av Simon Kjørvik. Etterpå blåste dommar for pause.
Då gjekk det ikkje lenge før laget fekk straffesparket dei vart snytt for før pause. Sverre Lindset vart felt og Svein Erik Lange Male vart tomålsskårar då han sette straffen forbi keeper.
Elling Olafsen kom inn til andre omgang, og storskåraren viste tidlege at også han hadde både eitt og to mål i seg. Hans første kom etter nok ein Krogseth-corner, denne gongen innoverskrudd der Olafsen sørga for å få ballen over linja frå første stolpe.
Så vart Leo Krogseth hindra skåring av ei god redning, før Sverre Lindseth skrudde ballen forbi keeper til 6-0. Så kom Rudi Samseth fri og sette inn 7-0, hans første i Varfjell-trøya. Leo Krogseth var igjen servitør då Elling Olafsen sette inn kveldens siste mål frå bakre stolpe tolv minutt før slutt.
Det er lenge sidan me har sett heimelaget sprudle slik gjennom ein heil kamp, sjøl motstanden tatt i betraktning. Dette laget står verkeleg opp for kvarandre noko det trufaste heimepublikummet sette pris på.
Heile innbyttarkvoten på sju vart brukt og dermed fekk unggutar som Andreas Hole, Torstein Væge Nekstad og Teodor Elias Johansen verdifulle speleminutt.
Neste kamp er borte mot Træff 2 og gamletrenar Alexander Connor søndag om ei veke.
KAMPFAKTA
Vestnes Varfjell - Frei 8-0 (3-0)
4. divisjon Nordmøre og Romsdal, fredag 23. mai 2025 kl 19
Vestnes idrettspark, 105 tilskuarar
Mål:
1-0 (3) Knut Stian Eik
2-0 (19) Svein Erik Lange Male
3-0 (45) Jon Areas Venås
4-0 (48) Svein Erik Lange Male, straffespark
5-0 (54) Elling Furland Olafsen
6-0 (69) Sverre Olgar Lindset
7-0 (72) Rudi Talberg Samseth
8-0 (78) Elling Furland Olafsen
Dommar: Oliver Bjørsnøs Bakke, Elnesvågen
Assistentdommarar: Jan André Furnes, Dahle og Tore Gunnerød Tistel, Hjelset-Kleive
Gult kort: Simon Kjørvik (77), Vestnes Varfjell. Benjamin Reitan (85) og Jonas Sæther Frey (89), Frei
Vestnes Varfjell (4-3-3):
1 Egil Dalhaug
11 Sverre Olgar Lindset
27 Kristian Flittie Onstad
23 Svein Erik Lange Male
9 Magnus Nerheim
22 Simon Ødegård Kjørvik
80 Tommy Kanishi Andreassen (K)
10 Leo Villa Krogseth
66 Jon Areas Venås
14 Knut Stian Eik
5 Rudi Talberg Samseth
Innbyttarar:
6 Ørjan Tangen 15. min for Nerheim
7 Elling Furland Olafsen 46. min for Venås
2 Håkon Ødegård Kjørvik 72. min for Lange Male
25 Teodor Elias Johansen 72. min for Lindset
8 Justin Berild Sætre 78. min for Krogseth
18 Andreas Hole 78. min for S. Kjørvik
19 Torstein Væge Nekstad 82. min for Eik
3 Ole Alexander Mekvik Ulvestad (strøket)
16 Lucas Vold Moen (strøket)
