(Vestnes Varfjell - Træff 2. lag 1-3) Vestnes Varfjell hang ikkje med i staren av kampen og tapte fortent heime mot Træff 2 fredag. "Sjølvsagt" avgjorde Daniel Gravdehaug for bortelaget. Først ei omdiskutert skåring der dommar overstyrte linjemannen som vinka for offside, så ein fin enkeltprestasjon og eit velplassert skot. Elling Olafsen reduserte på straffe for heimelaget heilt på slutten.
Dei rundt 150 frammøtte i vårsola sørga for ei fin inntekt til Barnekreftforeningen i høve Fotballtrøyefredag. Ute på bana fekk dei dessverre sjå eit skuffande tamt heimelag som vart hardt straffa mot forrige sesongs seriemeister i 4. divisjon. Alt etter tre minutt hadde Eirik Hermansen roen og la ein presis ball bak Varfjell-forsvaret. Sivert Røberg lurte seg forbi oppassaren sin og kunne enkelt trille inn 1-0.
Så hadde heimelaget nokre forsøk, Eirik Leao Tomren vart stoppa av keeper på kloss hald, medan Noah Johansen vart stoppa av ein høg fot i ansiktet, men fekk ingen straffe. Så skåra Træff igjen etter 20 minutt Daniel Watt Gravdehaug, som spelte heile sesongoppkøyringa for Vestnes Varfjell før han gjekk til Træff rett før sesongstart, kunne enkelt sette inn 2-0 eter ein innlegg på bakre stolpe. Linjemannen var oppe med flagget for det som kunne sjå ut som ein stuss frå ein Træff-spelar før ballen nådde Gravdehaug, men dommar var ikkje samd og dømte mål. Like etter auka Gravdehaug til 3-0, og då fekk han kvile i andre omgang.
Vestnes Varfjell-trenar Alexander Connor bytta ut heile angrepsrekka i eit forsøk på å få ei redusering før pause, men det vart berre nesten. Leo Krogseth kom på skothald etter 40 minutt, men keeper redda enkelt. Like før pause sette same Krogseth opp Amund Stavem i god skotposisjon, men forsøket gjekk til side for mål.
Andre omgang var lenge prega av at bortelaget hadde god kontroll mot eit stadig meir frustrert heimelag. Først dei siste 20 minutta kom heimelaget på det som likna ein sluttoffensiv anført av kaptein Amund Stavem. Først var fann han Elling Olafsen i god posisjon, men skotet gjekk like utanfor. Så kombinerte dei to fint innanfor 16-meteren, men det vart ikkje mål.
Først heilt på slutten kom det ei redusering. Svein Erik Lange Male vart dratt ned inne i feltet og Elling Olafsen var som vanleg sikker frå straffemerket. Varfjell pressa på for fleire mål, men kampen ebba ut på stillinga 1-3.
På den positive sida: Knut Stian Eik gjorde comeback etter kneskaden som har halde han på sidelinja i eitt år.
Eide borte er neste kamp.
KAMPFAKTA:
Vestnes Varfjell - Træff 2. lag 1-3 (0-3)
4. divisjon Nordmøre og Romsdal, fredag 3. mai 2024 kl 19
Vestnes idrettspark, 150 tilskuarar
Mål:
0-1 (3) Sivert Røberg
0-2 (21) Daniel Watt Gravdehaug
0-3 (24) Daniel Watt Gravdehaug
1-3 (89) Elling Olafsen, straffespark
Dommar: Oliver Bjørsnøs Bakke, Elnesvågen. Assistentdommarar: Kåre Bergset, Elnesvågen og Øystein Lysø, Surnadal
Gult kort: Tommy Kanishi Andreassen (62) og Svein Erik Lange Male (87), Vestes Varfjell. Johan Antonius Dale (64), Træff 2.
Vestnes Varfjell (4-3-3): Egil Dalhaug: Lucas Pedersen Våge (Glenn Stenødegård 46.), Tor-Bjarne Løvik Salte, Svein Erik Lange Male, Simon Ødegård Kjørvik (Lucas Pedersen Våge 75.) - Leo Villa Krogseth (Vegar Bjørkevoll Skare 75.), Amund Stavem (K), Tommy Kanishi Andreassen (Eirik Leao Tomren 75.) - Lars-Helge Lien (Knut Stian Eik 75.), Noah Johannes Johansen (Elling Furland Olafsen 40.), Eirik Leao Tomren (Magnus Nerheim 40.)
Bildegalleri:
