A-laget: Uavgjort i generalprøven

Vestnes Varfjell spelte 2-2 borte mot Langevåg i ein treningskamp torsdag kveld. Tommy Kanishi Andreassen skåra begge måla for Vestnes Varfjell. Spelande trenar Alexander Connor var ikkje fornøgd med det som vart prestert og kallar kampen den svakaste på mange år.

- Me må skjerpe oss kraftig om det skal bli poeng i seriepremiera borte mot Bud/Elnesvågen 2 neste helg, seier Connor til varfjell.no.

Han meiner heimelaget var best før pause. - Me var heldige som heldt dei til 1-1 ved halv tid, men etter kvilen meiner eg me var best, seier Connor.

Langevåg spelar i 4. divisjon på Sunnmøre og er forsterka med tre islandske spelarar i vinter. Begge lag rykka ned frå 3. divisjon sist haust.

Kampfakta:
Langevåg - Vestnes Varfjell 2-2 (1-1)
Treningskamp 8. april 2010 kl 18.00
Langevåg kunstgras, 20 tilskuarar
Mål:
0-1 (25) Tommy Kanishi Andreassen
1-1 (44) Bertin Salen, straffespark
2-2 (60) Johann Björn Valsson
2-2 (85) Kanishi Andreassen
Dommar: Alf Furland, Guard
Gule kort: 3 til Langevåg
Vestnes Varfjell (4-5-1): Svale Leren; Ørjan Tangen, Thomas André Brastad, Svein Erik Lange Male, Magnus Nerheim (Sander Valde 70) - Nirut Mjøs, Alexander Connor (Martin Lange Sylte 75), Jørgen Gravdehaug (Christian Leikarnes 80), Yngve Solevågseide, Tommy Kanishi Andreassen - Elling Olafsen