{seyretpic id=544 align=left}Vestnes Varfjell tapte heile 1-5 mot Midsund i 4. divisjon fredag. Gjestane heldt oppvisning i effektivt angrepsspel mot eit til tider tafatt heimelag. Midsund tok ei tidleg leiing, men Ronny Leikarnes utlikna. Resten av første omgang hadde Vestnes Varfjell eit overtak, men det var gjestane som skåra igjen til leiing 2-1 til pause. Då Vestnes Varfjell skulle starte opphentinga etter pause, var det i staden Midsund som skåra igjen.
Sjå bildegalleri>>
Program Vestnes Varfjell-Midsund 2008
På stillinga 1-3, var det framleis litt spenning, men den tok slutt då gjestane sette inn 4-1 på ein corner.
Dermed hadde ikkje heimelaget meir å svare med, sjølv om Leikarnes truleg feilaktig vart snytt for sitt andre mål då han sette inn returen etter eit skot i stolpen frå Tommy Kanishi Andreassen. Midsund auka til 5-1 20 minutt før slutt då frustrerte heimespelarar alt hadde gitt opp.
Arik Gosik og John Arne Øien skåra to mål kvar for Midsund, alle etter fine skot der Vestnes Varfjell-forsvaret ikkje hang med. Ken Arve Hole skåra det eine etter corneren.
Heimelaget hadde nokre gode skotforsøk frå Per Kristian Os Nakken før pause, medan Ronny Leikarnes heada like utanfor. 1-1-målet var den store prestasjonen for Vestnes Varfjell: Eit langt framspel frå Yngve Solevågseide nådde Leikarnes, som vendte av ein forsvarar og skaut i mål heilt nede ved stolpen (sjå video over).
Toppskårar Akselsen sto over med tre gule kort. Alexander Connor og Vegard Ellingseter var uaktuelle på grunn av skader. Bjørn-Vegard Løvik måtte ut med skade i pausen.
Kampfakta:
Vestnes Varfjell - Midsund 1-5 (1-2)
4. divisjon Nordmøre/Romsdal
Fredag 13. juni 2008 kl 19
Tilskuarar: 75
Mål:
0-1 (6) Arik Gosik
1-1 (25) Ronny Leikarnes
1-2 (42) John Arne Øien
1-3 (54) Øien
1-4 (67) Ken Arve Hole
1-5 (71) Gosik
Dommar: Ole Petter Kristiansen, Eide
Gult kort: Os Nakken og Kanishi
Vestnes Varfjell (4-5-1): Sivertsen, Tangen, Løvik (Brennvik 46.), Mjøs, Os Nakken (Lange Sylte 64.) - Kanishi, Solevågseide, Talberg (Gravdehaug 64.), Olafsen, Nakken (Eik 81) - Leikarnes.
