Lite skjedde i starten av kampen i vårsola i Vestnes idrettspark, men etter kvart fekk heimelaget fart på spelet sitt og skapte etter kvart mange sjansar. Den første skåringa kom likevel på eit frispark som Tore Akselsen sette frekt mellom keeper og første stolpe frå skrått hald etter 18 minutt.
Ikkje lenge etterpå var det Elling Olafsen sin tur. KFK-forsvaret ropte på offside då Olfasen først fekk skyte i stolpen for så å heade i mål sin eigen retur nærast frå liggande posisjon.
Samme Olafsen hadde to gode forsøk med hovudet på rappen like etter. Like før pause kom 3-0 på eit godt plassert skot frå Tommy Kanishi Andreassen etter perfekt framspel frå Yngve Solevågseide.
I starten av andre omgang hadde Vestnes Varfjell eit par feite sjansar som kunne gitt fleire mål. Først vart Olafsen igjen hindra av ei god målvakt, før Vegar Skare (?) skaut i tverrliggaren.
Etter ti minutt førte rot i Vestnes Varfjell-forsvaret til slutt til straffespark og redusering ved Mujo Mesan. Dette gav gjestane ny tru på poeng, samtidig som heimelaget starta slurve og ikkje fekk til spelet sitt som i før pause. Gjestane skapte fleire store sjansar - mellom anna ei heading i stolpen - som kunne gitt ny spenning, men kampen ebba ut utan fleire mål.
På overtid meinte dommaren at Marius Ulla hindre keeper frå å kaste ut. Dermed gult kort nummer to og utvisning for vikebuktingen.
Neste kamp er borte mot Kvass/Ulvungen.
Kampfakta:
Vestnes Varfjell - KFK 3-1 (3-0)
Seriekamp 4. divisjon Nordmøre/Romsdal
Vestnes idrettspark, fredag 20. april 2012 kl 19
75 tilskuarar
