Vestnes Varfjell fekk ein marerittstart på årets 4. divisjon med skåring i mot alt etter 23 sekund og til slutt klart 0-5-tap borte mot avdelingsfavoritt Averøykameratene fredag kveld. Dommaren hadde såvidt rukke å blåse kampen igang før AK tok leiinga. Eit framspel vart heada vidare av toppskårar Christoffer Folland, målvakt Adrian Gabrielsen feilrekna og ballen gjekk over han og trilla over streken. AK styrte det meste etter dette, berre sporadisk var Vestnes Varfjell frampå, Eit skot utanfor frå Amund Stavem var det næraste laget kom utlikning. I andre enden traff AK både stolpe og tverrliggar før 2-0 kom etter fint veggspel og skot frå kloss hald like før pause. Trenar Knut Øyvind Hoem la om til 4-4-2 etter pause, og kom svært nære eit reduseringsmål alt etter fem minutt. Azim Ahmadi var igjennom på nesten ope mål, men avslutninga hamna utanfor. - Me måtte gjere eit ærleg forsøk. I første omgang såg det ut til at spelarane hadde for stor respekt for motstandaren, sa Hoem i pausa. Sjølv om Vestnes Varfjell fekk låne ballen litt meir i andre omgang, var AK akkurat dei nødvendige hakka betre når det trengtest. På kort tid stod det 4-0, før Folland fullførte sitt hattrick til 5-0 på eit flott skot ti minutt før slutt. Då hadde også Vestnes Varfjell mista sin beste spelar i Nirut Mjøs som måtte ut med skade. Ein spelar som gjorde eit innhopp etter skade var Svein Erik Lange Male. Han viste guts dei minutta han spelte. Det må til om laget ikkje skal hamne i botnstriden heile sesongen. Fredag ventar ei ny tøff oppgåve. Då kjem Eide på besøk, eit lag som opna med å vinne 4-0 heime mot Sunndal. Kampfakta under. AK om kampen | Tidens Krav om kampen
Ps. Elling Olafsen spelte heile kampen trass i sjukdom medan spelarar som Thomas André Brastad og Trond Klokset ikkje var med på turen til Averøya.
Kampfakta:
Averøykameratene - Vestnes Varfjell 5-0 (2-0)
Bruhagen kustgrasbane, 65 tilskuarar (2 Vestnes Varfjell)
Fredag 17. april 2015 kl 19
Seriekamp, 4. divisjon Nordmøre/Romsdal
Mål:
1-0 (1) Christoffer Folland
2-0 (43) Arne Martin Fossland
3-0 (59) Folland
4-0 (61) Alf Kristian Pettersen
5-0 (81) Folland
2-0
Ingen kort
Vestnes Varfjell (4-5-1/4-4-2): Adrian Gabrielsen; Yngve Solevågseide (Ole Håkon Heen Lien 75.), Ørjan Tangen, Nirut Mjøs (Jørgen Hovde 79), Magnus Nerheim - Amund Stavem, Sivert Nerheim (Svein Erik Lange Male 85.), Ole-Gunnar Kjærstad, Azim Ahmadi (Juan Larsen 65.), Adrian Liabø - Elling Olafsen
