Kampen borte mot Sunndal laurdag er utsett grunna rasfare i nordmørsbygda. Ny dato er ikkje klar enno. Det er Sunndal kommune som har valt å stenge området der kunstgrasbana ligg. Kampen vart tidlegare fredag varsla flytta frå Sande stadion til kunstgrasbana like ved.
Det er varsla mykje regn og stor rasfare frå fredag kveld til laurdag kveld. Varselet er på oransje nivå. Alt fredag kveld gjekk det eit steinsprang som førte til at fleire hus vart evakuert i området.
