Oppdatert statistikk for sesongen som nettopp er over, viser at fem spelarar var på banen i alle dei 11 seriekampane: Owen Connor, Svein Erik Lange Male, Juan Rikard Larsen, Oliver Connor Søren og Tor-Bjarne Løvik Salte. Av desse var det berre målvakt Connor som starta i alle kampane. Han var også den med mest speletid totalt, det einaste han ikkje spelte var andreomgangen mot Sunndal.
Totalt 23 spelarar var i aksjon i den marineblå trøya denne sesongen. For seks spelarar var det også seriedebut på A-laget: Owen Connor, Oliver Connor Søreng, Tor-Bjarne Løvik Salte, Ole Ragnar Opstad Forsland, Airidas Skirgaila og Dag Christian Maier Eidhamar.
Elling Olafsen vart suveren toppskårar med åtte mål på dei ni kampane han spelte. Dermed endte han også på delt 3. plass i 4. divisjon Nordmøre/Romsdal (heile lista her), og best av spelarane frå Romsdal. Svein Erik Lange Male vart nummer to med sine to mål.
Ei liste der ein Vestnes Varfjell-spelar toppa er «råtassen», der Vegard Ellingseter noterte seg for både eitt raudt og fire gule kort.
FULL OVERSIKT OVER 2021-SESONGEN TIL VESTNES VARFJELL FINN DU HER
Under kan du sjå oversikt frå oppmann Frode Lien serierunde for serierunde og kor mange kampar dagens aktive har på adelskalenderen.
