4. divisjon blir sparka igang att fredag kveld, og Vestnes Varfjell skal ut i vanskeleg bortekamp mot ein av seriefavorittane. Averøykameratene, som rykka ned frå 3. divisjon i haust, er motstandar på Bruhagen kunstgrasbane der Vestnes Varfjell ikkje har spelt A-kamp tidlegare. Forrige seriemøte, på grasbana på Bruhagen, endte med 1-2-tap i 2009. Vestnes Varfjell vann 2-0 på Vestnes. Sist laga møttest var i cupen på Vestnes i 2013. Då vann Vestnes Varfjell heile 4-1 sjølv om laget spelte i divisjonen under. Oversikt over dei seinaste oppgjera finn du her. Vestnes Varfjell har mista fleire av sine beste spelarar sidan forrige møte, og før denne sesongen forsvann også Karl Arne Stokkeland til KFK. Stallen er elles som i fjor, med nokre nye unggutar. Også Trond Klokset har tatt på seg den mørkeblå drakta att, men det er usikkert kor stor rolle veteranen kjem til å spele denne sesongen. Ei plassering rundt midten av tabellen bør vere målet i Knut Øyvind Hoems første sesong som hovedtrenar. Tre lag kom ned i fjor, slik at serien blir tøffare enn på lenge. Faktisk er årets 4. divisjon nesten som gamle 3. divisjon Nordmøre/Romsdal før omlegginga. Alle kampar finn du her. Kampfakta og lagoppstillingar kjem her. Kveldens kamp kan du følge på Twitter. Rbnett har en ny livetjenste for lokalfotballen her.
