Her røper han at han hadde tenkt å gje seg etter 10 år i styret for fotballkretsen då valkomiteen overtala han til å ta over leiarvervet.
- Etter å ha tenkt meg om lenge, sa eg ja, seier Orvik til avisa.
Han var prosjektleiar for kunstgrasbana på Vestnes og seier ettertida har vist at dette var ei rett satsing. Bana er er i bruk heile året.
Om nytt klubbhus seier han:
- Arbeidet har stått i stampe lenge. No er det valt ei nemnd der eg er med saman med Alexander Connor og Stein Bergheim. Vi skal legge realistiske planer for eit nytt klubbhus og kostnadsrekne det. I haust skal planen leggast fram for styret i Vestnes Varfjell. Slik eg ser det bør bygging av nytt klubbhus kome i gang neste år.
Om realismen i spel i 3. eller jamvel 2. divisjon for Vestnes Varfjell:
- Eg meiner 4. divisjon er nok for Vestnes Varfjell. Her kan klubben arbeide planmessig, folk kan få utvikle seg slik at dei kan spele høgare opp, ja jamvel i Molde om dei har talent og satsar. Klubbar i 3. divisjon treng ressursar som ikkje er tilgjengeleg i Vestnes Varfjell. Vi har eksempel på klubbar som har rykt opp i divisjonane ved hjelp av "kunstig andedrett". Det har aldri gått bra til slutt, seier Orvik til Bygdebladet.
