Vestnes Varfjell var i leiinga 2-1 til pause, men greide ikkje å stå imot Surnadal-presset i andre omgang og tapte til slutt 2-5 i laurdagens kamp i 4. divisjon. Vestnes Varfjell-trenar Knut Øyvind Hoem seier dei tapte mot eit betre lag, men gir ros til eige lag for innsatsen. Han måtte sjølv innpå mot slutten då laget drog oppover med berre 13 mann i troppen grunna skader og andre fråfall. - Alle sto på og jobba til dei ikkje hadde meir å gje. Det vart tungt på slutten på ei vårleg grasbane, seier Hoem til varfjell.no etter kampen. Han såg laget sitt ta leiinga 1-0 alt etter fem minutt då Nirut Mjøs fann Amund Stavem føre mål. Heimelaget utlikna etter 35 minutt, men Vestnes Varfjell tok tilbake leiinga like etterpå då Nirut Mjøs - spiss flr dagen - snappa ein retur frå Surnadal-målvakta. Surnadal gjekk hardt ut etter kvilen og utlikna alt etter sju minuitt. Så tok leiinga for første gong i kampe etter ein havltime. Kvarteret før slutt sto det 4-2 etter eit straffespark (sjå video) og like etterpå vart sluttresultatet fastsett til 5-2. Vestnes Varfjell står dermed framleis utan poeng etter tre kampar, men har møtt tre av laga som truleg vil kjempe heilt i teten. No ventar Midsund på heimebane fredag. - Stemninga i laget er god trass i tre strake tap, no satsar me på at dei første poenga skal komme, seier trenar Hoem. Trond Klokset sesongduberte og gjorde ein god kamp kamp på sentral midtbane. Også spelande hjelpetrenar Svein Erik Lange Male spelte sin første kamp for start for sesongen etter at han har slete med ein skade så langt. Toppskårar frå treningskampane, Elling Olafsen, var mellom dei som ikkje var med. Han skada seg i kampen mot Eide. Mot Surnadal var det Ole-Gunnar Kjærstad som måtte ut med skade. Avisa Driva om kampen | Trollheimsporten om kampen. Kampfakta under:
Surnadal - Vestnes Varfjell 5-2 (1-2)
Syltøran stadion, 100 tilskuarar
4. divisjon Nordmøre/Romsdal
Mål:
0-1 (5) Nirut Mjøs
1-1 (35) Lars Mogstad
1-2 (37) Amund Stavem
2-2 (52) Ola Heggset
3-2 (60) Andreas Dalsegg Sæter
4-2 (74) Bjørnar Dalsegg Sæter, straffespark
5-2 (79) Andreas Dalsegg Sæter
Dommar: Ola Magne Nordvik, Søya
Gult kort: Ola Heggset, Surnadal (40)
Vestnes Varfjell (4-5-1): Adrian Gabrielsen; Yngve Solvågseide (Knut Øyvind Hoem 73.), Ørjan Tangen. Svein Erik Lange Male, Magnus Nerheim - Amund Stavem, Ole Gunnar Kjærstad (Preben Hovde 70.), Trond Klokset, Sivert Nerheim, Adrian Liabø - Nirut Mjøs
