Har tapt 400.000 kr i automatinntekter

Både Vestnesavisa og Bygdebladet har onsdag omtale av den nye hovedsponsoravtalen som Vestnes Varfjell IL har inngått med Sparebanken Møre. Klubbleiar Kai Magne Stokkeland seier til dei to lokalavisene at avtalen er viktig ikkje minst fordi klubben vart utan årlege inntekter på 400.000 kroner då speleautomatane forsvann. Stokkeland seier vidare

at det er aktuelt å opprette ei stilling i 20 prosent for ein dagleg leiar i klubben. Dette blir ei sak for årsmøtet 6. april (sjå innkalling nedanfor). Her kjem også bygging av klubbhus opp.

 

Stokkeland seier det kan bli aktuelt å bygge klubbhuset i fleire etappar, der første steg blir ein etasje over 600 kvadratmeter. Klubbleiaren ser for seg at dette skal bli eit aktivitetshus der folk i alle aldrar kan samle seg.

 

Det må grunnboringar til før bygginga kan starte, tomta er nemleg der tjønna ved stadion låg. Stokkeland seier dei hadde håpt å kunne bygge klubbhus saman med brannstasjonen som kommunen skal bygge, men dette toget ser ut til å ha gått fordi kommunen har valt ei tomt ved kommunehuset.