Daniel Gravdehaug er klar for Vestnes Varfjell. Kantspelaren vender tilbake etter å ha spelt for Tomrefjord dei siste tre sesongane. - Ei svært viktig signering for oss, seier Vestnes Varfjell-trenar Alexander Connor.
Video på Instagram
Connor kjenner Gravdehaug godt frå han gjekk gradene for aldersbestemte lag i Vestnes Varfjell og fram til han fekk A-lagsdebuten i 2019.
Sidan kom koronaen og stoppa alt fotballspel, og Gravdehaug valde å gjenoppta karriera i Tomrefjord. Der har han vore sentral på eit lag som har plassert seg i toppen av 4. divisjon. I år vart han også lagets toppskårar med tolv mål.
Me ønsker Daniel velkommen tilbake og gler oss til å sjå han i marineblå drakt igjen.
