Berre Vestnes Varfjell gjeld for Leikarnes

Bygdebladet hadde onsdag eit lengre intervju med Ronny Leikarnes som er eitt mål unna 300 seriemål og også ligg an til å ta kamprekorden i løpet av sesongen. Her seier spissen mellom anna at han tidlegare har hatt førespurnader frå andre klubbar, men at det berre er Vestnes Varfjell som gjeld. - Eg har likt meg godt og likar meg godt i Vestnes Varfjell, seier Leikarnes til avisa. Han seier også at han ikkje har tenkt å gje seg etter årets sesong:

- Så lenge eg synest det er moro og held meg skadefri er det ingen grunn til å slutte, seier Leikarnes til avisa.

 

Toppskåraren trur laget vil overleve i 3. divisjon, men trur seier i oppgjera heikme mot Måndalen og ÅIF vil vere avgjerande. Vikebuktingen seier han har vore heldig og unngått skader i karriera, men at han måtte gjennom ein meniskoperasjon i vinter. Turar på Vikenakken har vore bra for opptreninga av kneet som fungerer betre for kvar kamp.

 

Leikarnes debuterte på a-laget, utan å skåre (!), borte mot Bjørset på gamle Reknesbanen i 1993. 

 

- Eg var nok litt kjappare før, men som fotballspelar er eg betre no enn då, seier Ronny Leikarnes.

 

Noko spesiell feiring når han har både skårings- og kamprekorden har han ikkje planlagt.

 

- Eg er ikkje oppteken av rekorden, men når eg er så nære vil eg prøve å slå han. Det greier eg i haust om eg held meg skadefri, slår Ronny Leikarnes fast.