Vestnes Varfjel tapte 2-4 i den utsette kampen mot Kvass/Ulvungen måndag kveld. Elling Olafsen gav Vestnes Varfjell ei tidleg leiing, men heimelaget svarte og var oppe i 3-1 før Kevin Gravdehaug reduserte ti minutt før slutt. Vestnes Varfjell hadde eit spelemessig overtak i store delar av kampen, men vertane var altså meir effektive framføre mål. Kampen var utsett frå 31. august då Kvass/Ulungen ikkje greide å stille nok folk. Vestnes Varfjell kunne valt å ta tre poeng og seieren 3-0, men valte å spele av sportslege grunnar. Begge lag var noko redusert også i kveld. Vestnes Varfjell stilte mellom anna med Jørgen Hovde i mål, medan han som vanlegvis står i mål - Thomas André Brastad - sesongdebuterte som utespelar på sin gamle plass som midtstoppar. Fjorårets keeper Alexander Aarø er for øvrig igjen Vestnes Varfjell-spelar, men førebels uaktuell sidan han oppheld seg i Oslo for tida. Bildet viser første målskårar Olafsen i lagbussen på veg til Sunndalsøra. Instagramfoto: Tommy Kanishi
Kvass/Ulvungen - Vestnes Varfjell 4-2 (2-1)
Seriekamp 4. divisjon Nordmøre/Romsdal
Måndag 22. september 2013 kl 19
Sunndal kunstgressbane, 30 tilskuarar
Mål:
0-1 (6) Elling Olafsen
1-1 (11) Kenneth Sira
2-1 (34) Jan E. Smiseth
3-1 (74) Raymond Ressell
3-2 (77) Kevin Gravdehaug
4-2 (90) Per M. Johnson, straffespark.
Dommar: Ragnar Ness, Dahle
Gult kort: Hallvar Magerøy, Kvass/Ulvungen (87) og Thomas André Brastad, Vestnes Varfjell (86)
Vestnes Varfjell: Jørgen Hovde; Yngve Solevågseide, Thomas André Brastad, Nirut Mjøs, Magnus Nerheim - Elling Olafsen, Alexander Connor, Vegar Skare - Kevin Gravdehaug, Amund Stavem, Tommy Kanishi Andreassen (ingen bytter)
