A-laget: Skare og Ulla tilbake!

Vestnes Varfjell er i ferd med å lukkast på overgangsmarkanden. Det er no klart at Vikebukt-duoen Vegar Skare og Marius Ulla returnerer til moderklubben etter tre sesongar i Måndalen. - Me er veldig glade for at begge to har takka ja. Dette er spelarar som vil styrke laget vårt. Begge har hatt ei fin utvikling i Måndalen og har vore ønska tilbake også tidlegare, seier Vestnes Varfjell-trenar Alexander Connor til varfjell.no. Skare er midtbanespelar, medan Ulla er midtstoppar. - Me har hatt samtalar også med andre spelarar og håpar å kunne kunngjere fleire overgangar om ikkje så lenge, seier Connor.