Vestnes Varfjell utlikna to gongar mot topplaget Eidsvåg, men ei skåring eitt minutt før slutt gjorde at gjestane tok alle poenga i Vestnes idrettspark fredag. Det sto 1-1 ved pause. - Eit forferdeleg surt tap, me spelte ein god kamp og fortente absolutt poeng, seier Varfjell-trenar Alexander Connor. Eidsvåg hadde eit skot i tverrliggaren før dei tok leiinga. Heimelaget utlikna før pause i jamn førsteomgang. Elling Olafsen vart spelt igjennom og sette ballen kontrollert forbi keeper. Heimelaget tok føringa i starten av andre omgang, og skapte 2-3 kvalifiserte målsjansar etter mykje godt spel. Det var derfor surt å oppleve at Eidsvåg igjen tok leiinga. Ole Gunnar Kjærstad skapte ny balanse på eit kontring, og det sto 2-2 heilt til eitt minutt sto att av ordinær tid. Då greidde Eidsvåg å pirke inn 2-3. Vestnes Varfjell pressa på i dei fem tilleggsminutta, men måtte gå av bana utan poeng. Laget har likevel all grunn til å vere stolt av innsatsen, då laget faktisk var svært nærme å slå laget som ligg på andreplass. Kampfakta her | Eidsvåg om kampen | Romsdals Budstikke om kampen
Kampfakta:
Vestnes Varfjell - Eidsvåg 2-3 (1-1)
Seriekamp 4. divisjon Nordmøre/Romsdal
Fredag 6. juni 2014 kl 19.00
Vestnes idrettspark, 50 tilskuarar
Mål:
0-1 (38) Tore Klokseth
1-1 (43) Elling Olafsen
1-2 (63) Johan Oltedal
2-2 (76) Ole Gunnar Kjærstad
2-3 (89) Tore Klokseth
Dommar: Ingvild Langnes Aarland, Malmefjorden
Gult kort: Thomas André Brastad (67) og Elling Olafsen (69), Vestnes Varfjell
Vestnes Varfjell (4-3-3): Adrian Gabrielsen; Ørjan Tangen, Svein Erik Lange Male, Thomas André Brastad, Magnus Nerheim - Yngve Solevågseide, Karl Arne Stokkeland, Elling Olafsen - Adrian Liabø (Ole Gunnar Kjærstad 72.), Amund Stavem, Azim Ahmadi (Nirut Mjøs 72.).
